![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0001-687x1024.jpg)
![](https://i2.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0002-1024x687.jpg)
![](https://i0.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0003-1024x687.jpg)
![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0004-682x1024.jpg)
![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0005-1024x631.jpg)
![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0006-1024x768.jpg)
![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0007-1024x768.jpg)
![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0008-1024x768.jpg)
![](https://i2.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0009-768x1024.jpg)
![](https://i2.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0010-768x1024.jpg)
![](https://i2.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0011-682x1024.jpg)
![](https://i1.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0012-682x1024.jpg)
![](https://i2.wp.com/www.jainheritagecentres.com/wp-content/uploads/2019/07/Humcha-Hombuja-Pancha-Kuta-Basadi-Jain-Temple-0013-1024x682.jpg)
ಹೊಂಬುಜ (ಶಿವಮೊಗ್ಗ ಜಿಲ್ಲೆ), ೭ ಜುಲೈ ೨೦೧೯: ಜೈನಧರ್ಮದ ನೆಲೆವೀಡು, ಸಾಂತರರ ನಾಡು, ಮಹಾಮಾತೆ ಪದ್ಮಾವತಿ ದೇವಿಯು ನೆಲೆಸಿರುವ ತಾಣ ಜೈನರು, ವಿದ್ವಾಂಸರು ಹಾಗೂ ಇತಿಹಾಸ ತಜ್ಞರಿಂದ ವಿಶ್ವದಾದ್ಯಂತ ತನ್ನದೇ ಆದ ವಿಶಷ್ಟ ಸ್ಥಾನವನ್ನು ಹೊಂದಿರುವ ವಿಶಿಷ್ಟ ಧಾರ್ಮಿಕ ಹಾಗೂ ಐತಿಹಾಸಿಕ ಕ್ಷೇತ್ರ ಹೊಂಬುಜ/ಹುಂಚ. ಕೇಂದ್ರ ಸರ್ಕಾರದ ಪುರಾತತ್ತ್ವ ಇಲಾಖೆಯ ಆಡಳಿತಕ್ಕೊಳ ಪಟ್ಟಿರುವ ಇಲ್ಲಿನ ಪುರಾತನವಾದ ಪಂಚಕೂಟ ಬಸದಿ/ ಪಂಚ ಬಸದಿಯ ದುಸ್ಥಿಯನ್ನು ಕಂಡು ಕ್ಷೇತ್ರವನ್ನು ಆಗಾಗ್ಗೆ ಸಂದರ್ಶಿಸುವ ಹಲವಾರು ಸಂಶೋಧಕರು/ ಸಂದರ್ಶಕರು/ ಭಕ್ತರು ಇಲಾಖೆಯವರು ಈ ಬಸದಿಯ ಪುನಶ್ಚೇತನದೆಡೆಗೆ ಗಮನಹರಿಸಬೇಕೆಂದು ಆಗ್ರಹಿಸಿದ್ದಾರೆ.
![Nitin H P, Bengaluru](https://i0.wp.com/www.jainheritagecentres.com/wp-content/uploads/2019/07/Nitin-H-P-Bengaluru.jpg?resize=200%2C228)
”7ನೆಯ ಶತಮಾನದಿಂದ ಆರಂಭವಾಗುವ ಈ ಕ್ಷೇತ್ರದ ಇತಹಾಸ ಅತಿ ವಿಶಷ್ಟವಾದುದು. ಕಾಲಕಾಲಕ್ಕೆ ಸಾಂತರರು ಇಲ್ಲಿ ಹಲವು ಬಸದಿಗಳನ್ನು ನಿರ್ಮಿಸುತ್ತಾ ಬಂದರು. ಅವುಗಳಲ್ಲಿ ಪ್ರಮುಖವಾದುದು ಚಟ್ಟಲದೇವಿಯಿಂದ ಕ್ರಿ.ಶ. ೧೦೭೭ರಲ್ಲಿ ನಿರ್ಮಿಸಲಾದ ಸುಮಾರು ೧೦೦೦ ವರ್ಷಗಳ ಇತಿಹಾಸವನ್ನು ಹೊಂದಿರುವ ಇಲ್ಲಿನ ಪಂಚಕೂಟ ಬಸದಿ. ಸಾಮಾನ್ಯವಾಗಿ ಬಸದಿ/ದೇವಸ್ಥಾನಗಳಲ್ಲಿ ಒಂದು ಗರ್ಭಗುಡಿ ಇದ್ದರೆ ಇಲ್ಲಿ ಐದು ಗರ್ಭಗುಡಿಗಳಿವೆ. ಅಲ್ಲದೆ ಇಲ್ಲಿ ಹಲವು ಶಾಸನಗಳನ್ನು ನಾವು ಕಾಣಬಹುದು. ಇತಿಹಾಸ ಹಾಗೂ ವಾಸ್ತುಶಿಲ್ಪದ ದೃಷ್ಟಿಯಿಂದ ನಾಡಿನ ಅಮೂಲ್ಯ ಆಸ್ತಿ ಈ ಪಂಚಕೂಟ ಬಸದಿ. ಈ ಐತಿಹಾಸಿಕ ವಿಶಿಷ್ಟ ಬಸದಿಯು ಪ್ರಸ್ತುತ ಕೇಂದ್ರ ಪುರಾತತ್ತ್ವ ಇಲಾಖೆಯ ಅವಜ್ಞೆಗೆ ಒಳಗಾಗಿರುವುದು ಖೇದಕರ” ಎಂದು ಬೆಂಗಳೂರಿನ ಐಟಿ ಕಂಪನಿಯೊಂದರಲ್ಲಿ ಕಾರ್ಯನಿರ್ವಹಿಸುವ ಯುವ ಜೈನ ಸಂಶೋಧಕ ಜೈನ್ಹೆರಿಟೇಜ್ಸೆಂಟರ್ಸ್.ಕಾಂನ (www.jainheritagecentres.com) ನಿತಿನ್ ಹೆಚ್.ಪಿ.ಅವರು ತಿಳಿಸಿದ್ದಾರೆ.
![Mahavir Kundur, Hubli](https://i0.wp.com/www.jainheritagecentres.com/wp-content/uploads/2019/07/Mahavir-Kundur-Hubli.jpg?resize=200%2C250)
”ವರ್ಷಕ್ಕೊಂದೆರೆಡು ಬಾರಿಯಾದರು ಸಂದರ್ಶಿಸುವ ನಾವು ಇಲ್ಲಿನ ಪಂಚಕೂಟ ಬಸದಿಯ ಸ್ಥಿತಿಯನ್ನು ನೋಡಿ ಮರುಗುವಂತಾಗುತ್ತದೆ. ಈ ಬಸದಿಯೊಳಗೆ ಮಳೆಗಾಲದಲ್ಲಿ ನಾವು ಕಾಲಿಡಲಾಗುವುದಿಲ್ಲ. ಬಸದಿಯ ಮಾಳಿಗೆಯು ಅಲ್ಲಲ್ಲಿ ಸೋರುತ್ತಿರುವುದರಿಂದ ಮಳೆಗಾಲದಲ್ಲಿ ಸದಾಕಾಲ ಮಳೆ ನೀರು ನಿಂತಿರುತ್ತದೆ. ಬಸದಿ ಹಲವೆಡೆ ಪಾಚಿ ಕಟ್ಟಿರುವುದರಿಂದ ಯಾರಾದರು ಕಾಲು ಜಾರಿ ಬೀಳುವುದು ಶತಃಸಿದ್ಧ. ಈ ಬಸದಿಯ ಜೀರ್ಣೋದ್ಧಾರ ಹಾಗೂ ಪುನಶ್ಚೇತನದೆಡೆಗೆ ಸಂಬಂಧ ಪಟ್ಟ ಇಲಾಖೆಯವರು ಗಮನಹರಿಸಬೇಕು” ಎಂದು ಹುಬ್ಬಳ್ಳಿಯ ಉದ್ಯಮಿ ಮಹಾವೀರ ಕುಂದೂರ್ ರವರು ತಿಳಿಸಿದ್ದಾರೆ.
![M R Abhinandan, Davanagere](https://i0.wp.com/www.jainheritagecentres.com/wp-content/uploads/2019/07/Abhinandan-M-R-Davanagere.jpg?resize=200%2C250)
”ಇವರ ಅವಜ್ಞೆಗೆ ಮತ್ತೊಂದು ಉದಾಹರಣೆ ಎಂದರೆ ಪಂಚ ಬಸದಿಯ ಒಳಗೆ ಚಪ್ಪಲಿಯನ್ನು ಹಾಕಿಕೊಂಡು ಹೊಗುವ ಕೆಲವು ಪುಂಡರು. ಒಂದು ಧಾರ್ಮಿಕ ಕೇಂದ್ರ/ಪೂಜಾ ಕೇಂದ್ರದೊಳಗೆ ಚಪ್ಪಲಿಯನ್ನು ಜನರು ಹಾಕಿಕೊಂಡು ಹೋಗುತ್ತಾರೆಂದರೆ ಅಲ್ಲಿನ ಅವ್ಯವಸ್ಥೆ ಯಾವ ಮಟ್ಟದಲ್ಲಿರಬಹುದೆಂದು ಊಹಿಸಿ” ಎನ್ನುತ್ತಾರೆ ದಾವಣಗೆರೆಯ ಯುವ ಜೈನ ಕಾರ್ಯಕರ್ತ ಎಂ.ಆರ್.ಅಭಿನಂದನ್.
-ಜೈನ್ ಹೆರಿಟೇಜ್ ಸೆಂಟರ್ಸ್ ನ್ಯೂಸ್ ಸರ್ವೀಸ್